Umiiwas makapatay ng tao

By
761

Dear Kuya Rom,

Ang bayaw ko na asawa ng bunso kong kapatid na babae ay asal-bata, kulang sa edukasyon, naiinggit sa maunlad na buhay ng pamilya namin. Para matustusan niya ng sapat ang pangangailangan niya, ng kapatid ko, at pamangkin ko, ipinasok ko siya sa kumpanya ng kaibigan ko. Binigyan siya ng mataas na posisyon at mala­king suweldo kahit mababa ang kanyang pinag-aralan.

Itinuturing siyang miyembro ng angkan namin, kasama siya sa lahat ng family gathering. Ngayon, lumaki ang kanyang ulo, umaastang matalino, mataas ang tingin sa sarili, mayabang sa kapatid ko at walang galang sa mga magulang ko.

Sinabi ko sa kapatid ko ang nakikita ko, pero defensive siya tungkol sa asawa niya. Kaya hindi ko na siya kinakausap. Ang kutob ko, minamanipula siya ng kanyang asawa, sinisiraan ang pamilya namin, at naniniwala siya.

Ang hindi ko pinalagpas ay ang pambabastos ng bayaw ko. Inaway niya ang mga magulang ko. Tinawagan ko siya para pag-usapan ang nangyari, pero binagsakan ako ng telepono. Ang gusto ko lang ay humingi siya ng tawad sa parents namin, pero ang sabi niya tama lang daw ang kanyang ginawa.

Kinakampihan ng kapatid ko ang asawa niya. Mananahimik na lang ba ako, tuluyang hindi na kausapin ang kapatid ko, at iwasan silang mag-asawa? Umiiwas akong makapatay ng tao. —

Orly

Dear Orly,

Hindi solusyon ang pagpatay ng tao. Tama ka, iwasan mo ito. Ito ay labag sa batas ng Diyos at tao. Palalakihin lamang nito ang problema.

Tungkol sa kapatid mo, may kasabihang bulag ang pag-ibig. Dahil dito, hindi nakikita ng kapatid mo ang masamang ugali ng bayaw mo. Maaaring talagang mahal niya ang lalaking ito at umaasang magbago.

Sapagkat mataas ang estado ng pamilya ninyo, hindi sinasadyang nagmumukhang mababa ang pagtingin ninyo sa ibang tao. Ito ay posibleng dahilan ng pagrerebelde ng kapatid mo at pinakasalan niya ang bayaw mo.

Ngayon, gusto mong iligtas ang kapatid mo mula sa sumasamang sitwasyon, pero wala kang magagawa, sapagkat sariling desisyon niya ito. Mabuting makita mo na sa gitna ng mga masalimuot na pangyayari, kailangan ng kapatid mo ang suporta ng pa­milya ninyo sa kanyang piniling buhay.

Mainam na kausapin mo siya. Tapat sa iyong puso na sabihin mo ito sa kanya: “Kapatid kita.

Mahal kita. Kung kailangan mo ako, nandito lang ako.” Kausapin mo rin ang iyong mga magulang at ang buong pamil­ya. Sabihin mo sa kanila na maaaring nararamdaman ng kapatid mo at ng bayaw mo na hindi ninyo tanggap sila, at kung maipadama ninyo sa kanila na mahal ninyo sila sa kabila ng lahat, posibleng gumanda ang pakikitungo nila sa inyo. Magbago kayo, at magbabago sila.

Orly, idalangin mo sa Diyos ang mga pangyayari. Hingin mo sa Kanya na baguhin Niya kayo, baguhin Niya ang inyong puso at isip, alisin Niya ang galit, inggit, at yabang sa inyong puso, at paghariin Niya ang pag-ibig, pag-uunawaan, kapayapaan at pagpapatawaran sa inyong buhay. Manalig kang magi­ging maayos ang pamilya sa tulong Niya. God bless you!

Payong kapatid,
Kuya Rom


SHARE
Previous articleMay kasunod pa kaya?
Next articleGREETINGS 01/02/2017
  • breath heart

    1. Para sa akin dapat malaman din ang side ng bayaw mo… Kung masamang tao sya ora mismo iiwanan na sya ng kapatid mo. base sa kwento mo napakasama nya, pero di sya kaya iwanan ng kapatid? ibig sabihin hindi ganun kasama ang bayaw mo. May ugali lang suguro pero dapat pakisamahan “give in take” eh ka nga… siguro dati sunod sunuran sya sa inyo kasi nga nakikisama pero may hanganan yun. baka naman hanggang ngayun ganun padin ang turing nyo sa kanya eh, papalag nga sya. kasi may pamilya na kaya na nya itayo ito katuwang ang kapatid mo.
    Ang pinaka mabuti sa lahat wag sila pakialaman para tahimik at wala gulo…
    2. Marami sa mga magulang paki alamero sa pamilya ng mga anak nila kaya ang mga manugang nagagalit.. hangang sa umabot na sa hindi pag kakaunawaan away na at sagutan. umabot sa punto na sulsulan ang anak na iwanan na ang asawa uwi sa bahay, yung iba sumusunod kasi alam niya ok sya sa magulang nya. pero pag may anak ka sa asawa mo isumsumbat sayo etc. masasaktan kana umpisa ng away magulang at anak. hanggang sa sasabihin mo sa sarili mo sana wag ako naniwala sa kanila buo pa sana pamilya ko.

    Yan yung mga bagay na pinag iisipan ng mabuti….
    Kaya wag mong sabihin na mina manipula sya ng asawa nya. Mahal ng kapatid mo ang pamilya nya..

  • Abdul jakul

    TAMA IWASAN NYO NA LANG NG MAGULANG MO…PERO WAG MONG PABABAYAN ANG KAPATID MO SA TARANTADONG BAYAW MO….KAKAUSAPIN MO PA DIN SIYA AT PAALALAHANANG MAG IINGAT LAGI SA ASAWA NYA…