Sumukong mga Sayyaf sa Zambo pinalaya may pabaon pa

By

Pinalaya ng militar ang 16 na notoryosong Abu Sayyaf militants na sumuko kamakailan sa Basilan at Tawi-Tawi sa kadahilang wala umano itong mga arrest warrants kahit pa sabit sila sa maraming karahasan.

Kabilang sa mga inabswelto ay ang 9 militants na sina Jasim Dambong, Mujil Dambong, Magelan Langal, Kael Sariol, Nurhamin Sariol, Alhan Sa­riol, Amnisain Sariol, Akmad Sariol, at Benasil Sariol, pati ang kanilang dalawang lider na sina Berong Sariol at Ben Sariol – na wanted sa piracy at cross-border kidnappings sa Sabah, Malaysia.

Sabit din ang mga ito sa brutal na pagpatay kay Catholic priest Reynaldo Roda sa South Ubian sa Tawi-Tawi noon January 2008; at sa April 2014 kidnappings sa Sabah ni Chinese tourist Gao Hua Yun at Pinay resort worker na si Marcy Dayawan, gayundin kay Mayor Kuyoh Pajiji, ng bayan ng Sibutu sa Tawi-Tawi noong June 2003; at Korean cargo ship captain Chul Hong Park at Pinoy seaman Glen Alendajao sa Tawi-Tawi pa rin noong nakaraang taon.

Binigyan pa ng militar ng financial assistance ang mga Sayyaf kapalit ng mga armas na isinuko.