Morales tumodo sa Stage Seven

By

DAET, Camarines Norte — Kahit kalahati pa lang ang karera ay itinodo ni defending champion Jan Paul ­Morales ang lahat ng lakas para masungkit ang 227-kms Stage Seven ng LBC Ronda Pilipinas 2017 edition kahapon na nagsimula sa Pili at nagtapos dito sa harapan ng Kapitolyo.

Kumalas sa malaking grupo si 31-year-old ­Morales at kahit may sumunod sa kanya ay iniwanan din niya ito sa hu­ling 100 metro ng laban.

“Nalaspag din ako pero kundisyon naman ako kaya kahit may pitong stages pa, tingin ko tatagal ako,” saad ni Morales.

Umakyat na sa No. 3 si Morales matapos tawirin ang meta sa ­tiyempong anim na oras, ­siyam na minuto at apat na ­segundo.

Nakasabay sa 8-man lead group na tumawid­ ng finish line si overall leader Rudy Roque ng Navy kaya naman mananatili sa kanya ang LBC red jersey pag-arangkada ng Stage 8 183-kms road race ngayong araw.

“Mahihirapan sila (kalaban) kasi kundis­yon din si Rudy, (Roque),” ani Morales na hawak naman ang overall sa sprint.

Dumating na segundo si Kinetix Lab-Army Cris Joven habang sina Elmer Navarro ng Go for Gold at Ryan Serapio ng Team Ilocos Sur ay tumawid ng third at fourth.

Ang ibang nasa 8-man lead group na humakbang sa meta ay sina Ronnilan Quita ng Kinetix Lab-Army, (No. 5), Leonel ­Dimaano ng RC Cola/NCR, (No. 6), Roque, (No. 7) at Jemico Brioso­ ng Team Ilocos Sur, ­(No. 8).

Nasa second sa overall si Navy rider Ronald Lomotos sa event na ­nakalaan ang P1 ­milyong premyo sa magkakampeon mula sa LBC, MVP Sports Foundation, Petron, ­Mitsubishi, Versa.ph, Partas, Maynilad, Standard Insurance, CCN, Bike Xtreme, NLEX, PhilCycling at 3Q Sports Event Management.

Sumampa naman sa fourth si Joven matapos malaglag sa 10th si Daniel Ven Carino ng Navy.


SHARE
Previous article2k huli sa jaywalking
Next articleParang Miss Universe