|
|
ENTERTAINMENT
Pops, dedma sa text ni Martin Mukhang buhay pa ang alitan sa gitna nina Martin Nievera at Pops Fernandez. Nagsalita na naman si Martin sa presscon ng bagong album niya. Nagulat si Martin sa balitang maggi-guest siya sa concert ni Pops sa December 7, dahil wala raw siyang alam tungkol diyan at hindi pa siya nasabihan. "I know it’s all over the papers, it must be great publicity, I’m sure, but I was never asked," sabi ni Martin. "I’m wondering why because I think I’m the last person on the list, I mean now, after what happened we’ve not spoken… she’s not replying to my messages and she has reason. "I’m not saying that it’s wrong, that it’s not, pero dahil du’n nasa-shock ako sa mga tsismis na maggi-guest ako sa concert niya," patuloy ni Martin, na nagsabing malamang tatanggapin niya sakaling aalukin siyang mag-guest, kung talagang kailangan siya sa concert ni Pops. Patuloy raw niyang tini-text si Pops, pero hindi raw ito sumasagot kaya ang pagkakaintindi niya ay itigil na ang pagti-text niya. "I know what she wants, she wants to stop texting, she wants to go back to the old fashion where you will talk face to face and I’m scared to death. "I’m a lot braver with the texting and I can say a lot more, there’s no screaming or shouting. I don’t know, I just think I’m just a coward," pahayag ni Martin. Sa pagkakaalam pa ni Martin, upset pa rin daw si Pops. Sa matagal na pamamalagi ni Pops sa Amerika nu’ng nagkaroon ito ng series of shows, inaasam ni Martin na medyo lumamig na ang ulo ni Pops. Dagdag pang kuwento ni Martin, inimbita niya minsan si Jomari na mag-dinner, pero hindi siya sinagot. "When I picked up the kids when I’m here for dinner, I see his car in the house. So I texted him, ‘Hey dude, you wanna come and join us, you’re more than welcome, it’s just the boys, let’s have pizza or whatever,’ but he didn’t text back," kuwento ni Martin. "I have nothing against the guy. I think, he doesn’t like me at the moment, because the love of his life in the moment which is the love of my life many moments ago is probably upset of me so, if she’s upset, siyempre he’s gonna be upset also, so it’s unfair to talk to him or to talk to Pops while they’re upset, but they’re so very welcome," patuloy ni Martin. Mapapanood ang kabuuan ng panayam na ito sa Startalk at abangan ang sagot naman ni Pops. *** Naintindihan namin ang mag-asawang Martin Jickain at Aiko Melendez kung mananahimik sila sa isyung paghihiwalay nila, dahil personal na problema nila ito at baka maayos pa kung sakali. Sinadya namin ang tanggapan ni Aiko sa Quezon City Hall, pero medyo may kahigpitan sa pagpasok dahil inii-screen na ito ng guwardiya ng building. Nakausap namin si Erik (ang assistant ni Aiko) at wala ka ring makukuhang impormasyon sa kanya. Wala raw siyang alam, dahil tahimik daw si Aiko kapag nagtatrabaho sila. Hindi raw dala ni Aiko ang problema nito sa kanilang tanggapan, kaya wala raw silang kaide-ideya. Napabalitang nagsalita raw si Martin na susugurin daw itong si Erik isa sa mga araw na ito, pero hindi na nag-comment itong assistant ni Aiko. "Baka nag-exags lang siguro ang pagkuwento, pero bakit naman gagawin iyun ni Sir Martin?" sagot nito sa akin. Ipinasa sa akin ni Ogie Diaz ang text ni Martin, "We want to settle our problem privately. We’ll just face the media once we’ve talked things through and we reach a mutually beneficial resolution. We hope that everyone will respect our request for privacy." Sa ganitong problema ng mag-asawa, mas mabuting tahimik na lang sila para hindi na lumala. |
Website comments and suggestions contact:
Copyright © 2005 Monica Publishing Corporation Best viewed in 1024 x 768 resolution. All rights reserved
|
|||
|
|
