|
Pagbabayad sa Marcos victims pinamamadali ‘Bata’ ni Gloria itatago sa Garci probe Preparasyon ng Comelec sa bgy. polls tuloy
|
TOP
STORIES
Pagbabayad sa Marcos victims pinamamadali (Boyet Jadulco) Hinamon kahapon ni Senate minority leader Aquilino Pimentel Jr. si Pangulong Gloria Macapagal-Arroyo na sertipikahan bilang urgent bill ang panukala para itabi ang P10 bilyon mula sa nabawing Marcos ill-gotten wealth kung totoong pinahahalagahan nito ang kapakanan ng mga biktima ng paglabag sa karapatang-pantao noong diktaduryang Marcos. Bagama’t sinertipikahan na ng Pangulo ang naturang panukala noon pang 12th Congress, o anim na taon na ang nakaraan, hindi pa rin ito naisabatas noong natapos ang 13th Congress kaya’t napilitan si Pimentel na muling isampa ang "Compensation Act to Victims of Human Rights Violations". "Twenty one years after the ouster of the Marcos dictatorship, the victims of its human rights violations have not received any reparation for the pain they went through or for the loss they suffered. This bill proposes to correct that injustice," paliwanag ng senador. Ani Pimentel, obligasyon ng gobyerno na bigyan ng kompensasyon ang mga biktima ng human rights violations dahil malinaw na isinasaad sa Konstitusyon na ang gobyerno ang gumagarantiya sa civil at political rights ng bawat mamamayan. Noong 13th Congress, inaprubahan ng Senado ang panukala para ibigay ang P10 bilyon sa mga biktima ng rehimeng Marcos subalit hindi ito naaprubahan ng Kamara. Kumalat din ang espekulasyon na naubos na ang perang nabawi mula sa Marcoses sa Switzerland noong eleksyon. |
Website comments and suggestions contact:
Copyright © 2005 Monica Publishing Corporation Best viewed in 1024 x 768 resolution. All rights reserved
|
|||
|
|
