|
|
ENTERTAINMENT
Lolit, kakasuhan na nina Piolo at Sam Controversial couples ang tampok sa event ng Head and Shoulder nu’ng Miyerkules nang gabi sa Fiamma sa Makati City. Hindi nakasagot sina Alfred Vargas at LJ Reyes kung sila pa rin ba hanggang ngayon. Pawang paligaw na "We’re okay" ang sey ni LJ. Sabi naman ni Alfred, "Basta OK. After a long time, ngayon lang kami nakapag-usap. Actually, ngayon lang kami nakapag-usap in person." Nagtinginan lang silang dalawa nang tina-nong kung sila pa rin ba. Pero sa bahay ni Alfred, nandoon pa rin ang sangkatutak na litrato ni LJ na nakapaskil sa halos lahat ng bahagi ng bahay ng aktor. Kaya medyo malabo pa rin sa amin kung ano ba ang relasyon nila ngayon. Hindi ko na kinulit si Alfred tungkol dito dahil naramdaman kong mas gusto niyang manahimik na lang. *** Nasa event din ng Head and Shoulder sina Kristine Hermosa at Oyo Sotto. Sa sagot ni Oyo, mukhang iba na ang tinginan nila ni Kristine at hindi lang friends ang turingan nila sa isa’t isa. Tinanong si Oyo kung nanliligaw ba siya kay Kristine. Sagot ng binata, "Sa totoo lang, ‘di ako marunong manligaw. If ever may patutunguhan ang friendship namin ni Kristine, iyun na ‘yun. Ayoko namang sabihing nanliligaw ako o anuman." Sinundan ng tanong kung mahal ba niya si Kristine, "Parang ganu’n na ‘yun," buwelta agad ni Oyo. Samantala, nag-react si Kristine sa isyung nagkakamabutihan na sina Diether Ocampo at Bubbles Paraiso. Kung totoo ito, aminado si Kristine na nagselos siya. "Magiging hipokrita naman ako kung sasabihin kong wala. Di ko siya kilala at never kong na-encounter ‘yung name niya (Bubbles). Magkita kami, ok sa akin. Di ko kasi alam the real score so I cannot naman talk," pahayag ng aktres. ***
Nagtataka lang kami, bakit sa Maynila sila magpa-file at meron agad presscon nang 9:30 AM sa Bayview Park Hotel pagkatapos ng filing. Bakit nga ba sa Maynila? Gustong sariwain ang MMFF scam case na si Mayor Alfredo Lim ang alkalde noon? Ngayon ay si Mayor Lim uli ang alkalde ng Maynila, may konek kaya dito nag-file ang dalawang aktor? Sakop pa kaya ito ni Yul Servo na isa sa mga konsehal ng district 3 ng Maynila? Hindi ko na rin inalam kung sino kina Piolo at Sam ang taga-Maynila. Parang gustong magtago ngayon ni Manay Lolit dahil tiyak na siya ang susunod na hahagilapin ng media pagkatapos magsalita nina Piolo at Sam. Ayaw munang magsalita ni Manay Lolit sa ngayon at mabuting ang abugado niyang si Atty. Noel Malaya na lang ang magbigay ng statement. Ewan ko lang kung magsasalita si Atty. Malaya dahil hindi ito mahilig magpa-interview sa media. Abangan na lang sa Startalk bukas dahil isa ito sa pag-usapan sa 12th anniversary ng naturang showbiz-oriented talk show. *** Kaabang-abang ang inihanda ng Startalk sa kuwento nina Sen. Bong Revilla at Lani Mercado. May kinalaman ito sa pag-iyak ni Lani sa Moms kamakailan. Nu’ng kinunan nila ang episode na iyun, medyo down pa si Lani at sariwa pa ang sugat sanhi ng pinagdaanan nila ni Sen. Bong kamakailan. Hindi man deretsahang pinag-usapan, obvious na may kinalaman ito sa huling isyung patuloy na ibinabato kay Sen. Bong. Ayoko nang idetalye kung ano ito, pero abangan na lang sa Startalk dahil parang inamin na rin nina Sen. Bong at Lani na totoo ang mga naririnig natin. Nilinaw ni Lani na hindi siya nagbibingi-bingihan o nagpapakamartir. Marami pa raw na mga isyung alam niya at alam niya ang lahat, pero hindi raw siya ang tipo ng asawa na kailangang ibilad sa kahihiyan si Sen. Bong at ang buong pamilya. "Lagi ko namang sinasabi sa kanya (Sen. Bong) na marupok din ako. Pwede rin akong bumigay kapag hindi ko na makakaya. "Pero iniisip ko pa rin naman ang respeto at pagmamahalan namin sa isa’t isa kaya nandito pa rin ako at magkasama kami just to keep the family," bahagi ng pahayag ni Lani. Bukod sa matinding revelation nila sa YES magazine, mapapanood n’yo rin sa Startalk ang pagtatapat ng mag-asawa, kaya abangan n’yo ‘yan! |
Website comments and suggestions contact:
Copyright © 2005 Monica Publishing Corporation Best viewed in 1024 x 768 resolution. All rights reserved
|
|||
|
|
