|
Misis binaril ni mister bago nagpakamatay Re-investigation sa drug case ni Niño Muhlach, binasura
|
CRIME
STORIES
Misis binaril ni mister bago nagpakamatay (Lily Reyes) Iniimbestigahan ngayon ng pulisya ang trahedyang naganap sa isang mag-asawa kung saan malubhang nasugatan ang isang ginang matapos barilin sa kanang sintido ng kanyang mister at kasunod nito, binaril naman ng lalaki ang sarili na ikinamatay nito kahapon ng madaling-araw sa Quezon City. Dead on arrival sa MCU Hospital sa Caloocan City si Sonny Manalastas, 24, samantalang agaw-buhay naman ang asawa nitong si Aileen, 25, negosyante. Blangko pa ang mga
homicide investigator ng QC Police District sa naturang kaso maliban sa
ibinigay na salaysay ng tumatayong testigo na nakilalang si Rene Torres,
fruit vendor sa Riverview Market na nasa Bgy. Ayon kay Torres, bandang alas-2:30 ng madaling-araw kahapon nang makarinig siya ng putok ng baril mula sa loob ng tindahan ng mag-asawa. Nang tingnan umano niya, nakita niyang duguang nakahandusay ang babae samantalang may hawak naman na baril ang lalaki. Makalipas ang ilang sandali, muli umanong umalingawngaw ang putok ng baril at nang kanilang tingnan ay nakahandusay na rin si Sonny. Hindi pa malinawan ang insidente subalit ipinapalagay ng mga awtoridad na binaril ng lalaki ang kanyang misis sa kanang sintido at dahil sa takot ay nagbaril ito sa kanyang sarili. |
Website comments and suggestions contact:
Copyright © 2005 Monica Publishing Corporation Best viewed in 1024 x 768 resolution. All rights reserved
|
|||
|
|
