Ito ang naging paglilinaw ni Senate minority floor leader Aquilino “Nene” Pimentel Jr., matapos kopyahin ang original version ng Lower House tungkol sa pinagtatalunang archipelagic map.
Sa pamamagitan ng counterpart bill, kumpiyansa si Pimentel na magiging madali ang trabaho ng dalawang kapulungan ng Kongreso at malilimitahan ang debate sa pagkakasali ng dalawang islang inaangalan ng China.
Ayon kay Pimentel, mas mapapabilis ang pagsasabatas ng Archipelagic baselines na nagtatakda sa teritoryo ng Pilipinas at maaabot ang May 2009 deadline ng United Nations (UN) kung House version ang nakalatag sa Senado.
Masalimuot ang nilalaman ng archipelagic baseline bill kaya’t napagdesisyunan ng Senado na kopyahin ang proposed measures ni Cebu Rep. Antonio Cuenco para maabot ang deadline ng United Nations Convention on the Law of the Sea (UNCLOS) at hindi tumagal sa bicameral conference committee ang isyu.
“The reason I did that is to ensure that once this bill is approved by the Senate, there will be no need for a bicameral conference committee that can delay the definition of our baselines and the submission of the same to the UN on or before the May 13, 2009 deadline,” ani Pimentel.
Naunang hinarang ng Malacañang ang House version matapos angalan ng China ang pagkakasama ng dalawang isla sa Spratly Islands tulad ng Scarborough Shoal at Kalayaan Group of Island.