MAPAPANOOD ang ‘Education Special’ ng Reporter’s Notebook sa Sine Totoo ngayong gabi sa GMA 7.
Libre dapat ang pag-aaral sa mga public school, pero may mga eskwelahang naniningil ng mga ‘voluntary fees’ bago tanggapin ang mga batang nais mag-aral.
Dahil dito, napipilitan ang ibang mga bata na mag-dropout na lang sa paaralan. 
***
Nagdagdag ng dalawang sinehan ang pelikula ni Direk Brillante Mendoza na Serbis noong Huwebes.
Naimbitahan ang Serbis na mag-compete sa Vladivostok Film Fest (Russia) sa Setyembre.
Ang North American premiere nito ay sa Toronto Internatioonal Film Festival sa Setyembre rin.
Kalahok din ito sa Pusan International Film Festival sa Oktubre.
***
Ikalawang Live Gala Performance Night ng Pinoy Dream Academy Season 2 mamayang 7:45 PM sa ABS-CBN.
Patalbugan sina Sen (I Believe I Can Fly), Sheng (Time and Tide), Bugoy (Can’t Take My Eyes Off You), Van (Next In Line), Liezel (Count On Me), Cris (Come Together), Laarni (As If We Never Said Goodbye), Iñaki (Superstar), Ross (King And Queen Of Hearts), Christian (Bakit Labis Kitang Mahal), Miguel (Farewell), Bea (Runaway), Bunny (You’ve Got A Friend), Apple (Through The Years) at Jet (I Will Be Here).
***
Pitong Kim Samsoon stars ang magkakalaban sa All Star ‘K’ bukas nang gabi sa GMA 7.
Pasiklaban sa videoke challenge sina Princess Violago, Pauleen Luna, Sheena Halili, Mart Escudero, Jennica Garcia, Marcus Madrigal at Mark Anthony Fernandez.
Ang hired K!Ller ay si Regine Velasquez.