|
Asia, nasarapan nang husto kay Paolo Ina, best actress sa Cinemalaya filmfest
|
ENTERTAINMENT
Ina, best actress sa Cinemalaya filmfest (ALLAN DIONES) Ang anak nina Laurice Guillen at Johnny Delgado na si Ina Feleo ang nagwaging Best Actress sa katatapos na 2007 Cinemalaya Independent Film Festival na ginanap ang awards night nu’ng Sabado sa Tanghalang Nicanor Abelardo (CCP Main Theater). Deserving si Ina dahil napakahusay niya sa pelikulang Endo (pinaiksing ‘end of contract’). Si Glaiza de Castro ng Still Life ang mahigpit niyang nakalaban for Best Actress. Bet namin for Best Actor si Jason Abalos na napakagaling at pinaiyak kami sa Endo pero ang nagwaging Best Actor(s) ay ang ensemble cast ng Tribu na pawang non-professional actors. Nanalong Best Full Length Feature Film ang Tribu na dinirek ni Jim Libiran mula sa kanyang Palanca award-winning screenplay. Tungkol ito sa magkakatunggaling gangs sa mga iskinita ng Tondo. Pinagkalooban ang Tribu ng Balanghai trophy at P200,000 film grant. Special Jury Prize ang Endo na dinirek ni Jade Lopez. Ang Best Direction ay napanalunan ni Auraeus Solito para sa Pisay na tungkol sa isang grupo ng high school students sa Philippine Science High School nu’ng dekada otsenta. Nakuha rin ng Pisay ang Audience Choice Award. Best Editing ang Endo, Best Music at Best Videography ang Kadin/The Goat na dinirek ni Adolf Alix Jr., Best Sound ang Tribu at Best Screenplay ang Tukso/Temptation ni Dennis Marasigan. Ang iba pang nag-compete sa Full Length Feature category ay Gulong (Jeanne Lim & Socorro Fernandez), Ligaw Liham (Emilio ‘Jay’ Abello VI) at Still Life (Katrina Flores). Na-disqualify for competition ang Sinungaling na Buwan (The Liar Moon) ni Ed Lejano dahil sa technical reasons. Sa Short Film category, tinanghal na Best Short Feature ang Rolyo ni Alvin Yapan na tumanggap ng P100,000 film grant at Balanghai trophy. Special Jury Prize ang Nineball (Enrico Aragon), Audience Choice ang Doble Vista (Nisha Alicer & Nix Lañas), Best Screenplay ang To Ni (Vic Acedillo) at ang Best Direction ay nakuha ni Emmanuel dela Cruz para sa Gabon. Kasama sa naglaban-labang short films ang Durog (Tara Illenberger), Liwanag sa Dilim (Lawrence Fajardo), Maikling Kwento (Hubert Tibi), Misteryo ng Hapis (Mark de la Cruz) at Tagapagligtas (Solita Garcia). Natutuwa kami dahil bukod sa maraming magaganda sa competing films this year ay tinatangkilik na ng publiko ang Cinemalaya sa CCP. Kung dati ay kakaunti kaming nanonood nito, ngayon ay halos palaging fullhouse ang iba’t ibang CCP venues at maraming soldout screenings. Mula sa CCP, lilipat ngayong araw na ito sa Cine Adarna ng UP Diliman ang 2007 Cinemalaya na tatagal hanggang sa Sabado, Agosto 4.
|
Website comments and suggestions contact:
Copyright © 2005 Monica Publishing Corporation Best viewed in 1024 x 768 resolution. All rights reserved
|
|||
|
|
