NAGTALA ng record sa takilya ang pelikulang The Dark Knight na nagtatampok kina Christian Bale (bilang Bruce Wayne/Batman) at Heath Ledger (The Joker).
Naka-$66.4M ito sa opening day noong Biyernes sa North Ame­rica.
Nilampasan nito ang record ng Spider-Man 3 na naka-$59.8M sa opening day.
Malampasan kaya ng The Dark Knight ang opening weekend record ng Spider-Man 3 na $151.1M?
Nagtala rin ng record sa midnight screenings itong The Dark Knight -- $18.5M.
Nilampasan nito ang record na $16.9M sa midnight screenings ng Star Wars: Episode III The Revenge of the Sith.
***
Mas malaki pa ang opening day grosses ng The Dark Knight kesa sa weekend grosses ng nauna ritong Batman Begins (2005) na naka-$48.7M sa unang tatlong araw ng pagpapalabas.
“We’ve really never seen anything like this,” sabi ni Paul Dergarabedian, presidente ng box-office tracker na Media By Numbers.
“The death of a fine actor taken in his prime, a legendary performance, and a mo­vie that lives up to all the hype. That all combined to create these record-breaking numbers.”
Puring-puri ng mga kritiko ang The Dark Knight na idinirehe ni Christopher Nolan, at nagtatampok din kina Michael Caine (bilang Alfred Pennyworth), Morgan Freeman (bilang Lucius Fox), Gary Oldman (bilang Lt. James Gordon), Aaron Eckhart (bilang Harvey Dent/Two-Face), Cillian Murphy (bilang Dr. Jonathan Crane/The Scarecrow) at Maggie Gyllenhaal (bilang Rachel Dawes).
“If you’re worried about mortgage payments and gas prices, when you’re sitting in The Dark Knight for two and a half hours, you’re not thinking about any of that stuff,” sabi pa ni Paul Dergarabedian.
Ang report na ito ay hinalaw sa AP.