|
6-11 Garnett,ipipirmis sa TimberWolves Tamaraws, masusubukan ang Archers
|
SPORTS
UPDATE
6-11 Garnett,ipipirmis sa TimberWolves MINNEAPOLIS --- Mukhang nais pa ring ikipkip ni Minnesota Timberwolves owner Glen Taylor ang kanyang "Big Ticket" sa Twin Cities. Ayon sa isang report ng Pioneer Press sa website nito noong Martes, wala sa plano ni Taylor ang pag-trade kay superstar Kevin Garnett sa kabila ng pag-amin na makikinig siya sa mga gustong mag-offer para rito. "In the past, teams had asked me and I just said, ‘No, we’re not interested,’" ani Taylor sa Pioneer. "But this time, I was going to be more involved and said, ‘We probably should just see if something makes sense for us." Nauna nang nasabit ang pangalan ni 6-foot-11 Garnett sa ilang haka-hakang trades, kabilang ang posibleng blockbuster deals sa Los Angeles Lakers, Phoenix Suns at Boston Celtics. Pero pinili pa ring manatili ni Garnett sa koponan kahit pa tatlong sunod na kumperensya na silang di nakararating sa playoffs. "I talked to (Garnett) about it; I said, ‘You’re going to hear a lot of (rumors), but I’ll call you if something really happens," kwento ni Taylor. "I just asked him (about a trade), and he’d say, ‘No, I haven’t changed my mind.’" Puspusan pa rin ang pagnanais ng Minnesota na palakasin ang roster nito sa pamamagitan ng trades subalit iginiit ni Taylor na hindi magagalaw si Garnett ng anumang plano. Noong huling season, ang versatile 31-year-old ay nag-average ng 22.4 points, 12.8 rebounds at 1.7 blocks tungo sa ikasampung All-Star Game appearance. Wala pang manlalaro sa kasaysayan ang nagtala ng ‘sing raming magkakasunod na seasons na may hindi bababa sa 20 points, 10 rebounds at apat na assists kada taon gaya ni Garnett.
|
Website comments and suggestions contact:
Copyright © 2005 Monica Publishing Corporation Best viewed in 1024 x 768 resolution. All rights reserved
|
||||
|
|
