Magpapatuloy ang mabangis na eliminasyon sa "PCC 21st Anniversary 6-cock derby" ngayong alas-tres ng hapon sa Pasay City Cockpit tampok ang may 80 sultada. Dinumog ng may 5,000 apisyonado ang unang araw ng laban noong Lunes, kung saan 90 entries ang sumabak. May 23 agad ang nakauna ng tig-dadalawang panalo. Kagaya ng naunang inianunsiyo nina pit managers Eric dela Rosa at Butchoy Olano, ibibigay sa kampeon ang garantisadong premyong P2 milyon kahit hindi umabot sa sapat na bilang ang entries. Lahat ng mga qualifiers (isang puntos o mas mataas) ay magkakaharap sa finals sa Biyernes, July 20.

Naghihintay naman sa champion handler ang P100,000 habang P50,000 sa gaffer. Tumawag sa 816-6750, 843-1890 at 843-1746.