HALU-HALO ang naram­daman ni Angel Locsin sa pagtatapos ng teleser­yeng Lobo.
“Di ko maintindihan kung ano nararamdaman ko. And’yan ‘yung masaya na matatapos na ‘yung shooting namin. Masasabi ko na sobrang maipagmamalaki ko ito kahit after 10 years… sa mga magiging anak ko…
“Masaya na malungkot, kasi, di ko alam kung magkakatrabaho pa kami…” sabi ni Angel.
Iba raw kasi ang dedikasyon ng mga tao sa likod ng Lobo kaya mami-miss niya ang show na ito.
Hindi ito ang huling pagsasamahan nina Piolo Pascual at Angel. Malapit nang simulan ang shoo­ting ng kanilang pelikula sa Star Cinema.