Nagpalabas kahapon ng freeze order na tatagal sa loob ng 20-araw ang Court of Appeals (CA) laban sa mga bank account na may kinalaman sa kontrobersyal na fertilizer fund scam.
Kabilang ang mga bank account na pagmamay-ari ni dating Agriculture Undersecretary Jocelyn “Jocjoc” Bolante sa saklaw ng freeze order na inisyu ni CA First Division Associate Justice Pampio Abarintos batay sa petisyong inihain ng Anti-Money Laundering Council (AMLC).
Iginiit ng CA na nakapagprisinta ang AMLC ng sapat na ebidensya upang masaling galing sa ilegal na aktibidad ang laman ng mga bank account. Layunin ng freeze order na mapigilan na magalaw ang mga bank account na pinaniniwalaang galing sa fertilizer fund.
Saklaw rin ng kautusan ang mga bank account nina Ariel Panganiban, Katherine Bombeo at Samuel Bombeo, Molugan Foundation, The Assembly of Gracious Samaritan Foundation, One Accord Christian Community Endeavor for Salvation and Success Through Poverty Alleviation, Society’s Multi-Purpose Foundation, Alliance for the Conservation of the Environment of Pangasinan, Sta. Lucia Educational Association of Bulacan, Livelihood Corporation, Panganiban ITF, at MKS Finance Corporation.