BUKOD sa mga nakalagay sa lahat ng Bench boutiques nationwide ay nagkalat na rin sa EDSA at sa iba pang major highways ang billboards ng BLACKOUT: The Bench Denim & Underwear Show na gaganapin sa Hulyo 25 sa Araneta Coliseum.
Dahil BLACKOUT ang titulo ng show this year ay halos panay kulay itim ang background ng nasabing Bench pictorial at naka-black ang karamihan sa celebrity models.
Ang male and female Bench Body models ay pawang nakasuot ng kulay itim na underwear.
Si Dingdong Dantes ang pinakabagong celeb endorser ng Bench Body, kaya mapapanood siya sa Araneta na rumarampa in his sexiest Bench underwear.
Ilan sa mga makakasabay ni Dingdong sa pa­seksihan ay ang mga dati nang Bench Body models na tulad ni Marco Alcaraz (na kasama niya sa Dyesebel), Brent Javier at ang Fil-Am Ateneo cager na fiancé ni Cheska Garcia na si Doug Kramer.
Hindi namin sure kung mangangahas mag-underwear this time si Diether Ocampo dahil sa mga nakaraang Bench shows ay hanggang topless lang siya at palaging nakapantalon.
Ang young actor na si Enchong Dee ay may ‘K’ rumampa nang naka-underwear dahil isa siyang professional swimmer at sanay magsuot ng skimpy trunks.
Patalbugan din ang Bench Body babes na sina Rufa Mae Quinto, Francine Prieto, Alessandra de Rossi, Angelica Panganiban at ang bagong dagdag na si Nancy Castiglione.
Kasamang rarampa ng celebrity models sa Big Dome sa Hulyo 25 ang mahigit 100 modelo na napili mula sa Bench go-sees sa Baguio, Cebu at Manila.
***
Maliban sa celebration of Filipino artistry, ang human body bilang isang ‘art form’ ang magiging tema ng Bench Denim & Underwear Show sa taong ito.
Ayon sa direktor ng show na si Ariel Lozada, itatampok sa BLACKOUT ang apat na Pinoy artists mula sa iba’t ibang larangan ng sining.
Una ay ang illustrator/graphic designer na si Abi Goy, ikalawa ang ace photographer na si Jun de Leon, ikatlo ang award-winning filmma­ker na si Raymond Red at ikaapat ang acclaimed fashion designer na si Lesley Mobo.
“Each artist is commissioned to inspire the collection (of Bench) and vice-versa,” pahayag ni Direk Ariel.
Modernong graphic designs na mala-manga drawings and art work ni Abi Goy.
Si Jun de Leon ay isang tanyag na celebrity photographer. Parehong stills ang trabaho ng dalawa.
Ang tanging may ‘motion’ na segment ng show ay ang kay Raymond Red, na tipong art installation slash TV commercial.
Gagawa ng sarili niyang collection for Bench ang Aklan-born fashion designer na si Lesley Mobo.
Si Mobo ay naging resident designer ng Diesel, at ngayon ay head designer ng Jasmine de Milo label under Harrod’s sa London.
“My handle for the entire show is, since they’re trying to gather artists, my basic question when I presented the concept was, ‘What is the greatest creation of all time?’ It’s man and the universe!” bulalas ni Direk Ariel.
“But again, ‘pag nag-concentrate ka du’n sa man, man itself is an art form. If you focus on each part of his body, as in the traps and the peaks, ‘yung mga tumataas at bumababang portion ng katawan ng tao, it is an art form by itself. If you segmented it, ‘pag tsinap-chop mo siya, art form siya!”
Ang inspirasyon ni Direk Ariel para sa Bench underwear show this year ay ang paborito niyang Hungarian-born photographer na si Andre Kertesz (1894-1985).
“He was a disabled photographer. In the 1930s, hindi ma-digest o matanggap ng mga tao ‘yung mga trabaho niya because what he does is, kukunan niya ‘yung mo­del nang nakahubad and then ‘yung mirror sort of distorts the image.
“So, nagiging art form ‘yung katawan ng tao and it really is beautiful! Parang marbleized. If you cut if off, as in mukha siyang art talaga. So, ‘yun ang inspiration ko for the entire show.
“At first, I was thinking, maybe we can insert a micro-camera inside the human body and have a journey inside the body. Parang it’s very interesting!”
Dagdag pa ni direk, “The generation now is very fluid. It goes like blood flow. So, parang ganu’n ‘yung show. No barrier.
“And I’m hoping na I can do a total nudity in this exercise! So, I hope I get the license on that one. I hope!”
Meron nang mga nag­hubad na nagpakita ng puwet at boobs sa mga nakaraang Bench shows. This time ba ay frontal nudity kung frontal nudity na ang labanan?
“I hope that models will be walking down the runway na walang suot. As in very casual. Sana, many naked models, hindi lang isa. It’s a glorification of the human body,” dayalog pa ni Direk Ariel.
Sinabihan daw siya ng Bench big boss na si Mr. Ben Chan na gawing appealable at mada-digest ng masa ang show. Kailangan daw ay entertaining ito at hindi masyadong artsy-fartsy.
“Sabi ni Noel Manapat (stylist), ‘It’s body. Kahit anong sabihin mo, it’s an underwear show. So, it’s a given thing that they’ll appreciate it!’ So Noel kinda saved me on that one! Ha! Ha! Ha!”
Si Direk Ariel Lozada ang nagdirek ng past Bench shows na One Night Only nu’ng Hun­yo 14, 2002 at Understatement nu’ng Agosto 18, 2004.
Ang Bench Fever nu’ng Hunyo 30, 2006 ay dinirek ni Robbie Carmona.