BACOLOD CITY --- Umiskor kahapon ng 56 puntos si Cristal Shin ng South Korea para pangunahan ang first round ng Southern Ladies Golf Championship sa Bacolod Golf & Country Club sa Murcia.

Isang eagle sa No. 5 at apat pang birdies – tatlo sa likod – ang nagdala kay Shin sa tuktok sa torneong ito na pinatatakbo ng National Golf Association of the Philippines sa huling 45 taon.

Si Shin, first year high school sa Seoul, ay angat ng 2 puntos kay Eva Minoza (54) ng Del Monte at 3 puntos kay Anya Tanpinco (52) ng ICTSI.
Ang 56 ni Shin, edad 17, ay katumbas ng 2-under-par sa par-70 (35-35) Bacolod course.

Apat na puntos ang bilang ng birdie, 3 par, 2 bogey at 1 double bogey.
“Maagang dumating dito sa Bacolod si Cristal,” sabi sa Ingles ni Jhay Montelibano, ang Australian chair ng organizing committee.  “Praktisado kaya’t hindi ako nagtataka na maganda ang kanyang nilaro.”

Kasama ni Montelibano sina Juvic Pagunsan, Alice Andrada (ina ng Southern Ladies golf), Andy Montelibano at Mayor Sonny Coscolluela ng Murcia, Negros Occidental sa ceremonial tee-off proceedings kahapon.

Sa kanyang praktis pagkatapos ng ceremonials, naitala ni Pagunsan, ang isa sa pinakaminit ngayong pros sa bansa, ang hole-in-one sa No. 10.

Ang nasa Top 10 kahapon ay kinabibilangan din nina Louiese Manalo (52), Chihiro Ikeda (51), Sunshine Baraquiel (51), Kristine Leonen (51), Lucy Landicho (49), Lora Roberto (49), Carmelette Villaroman (49), Mariel Candinato (49), Sarah Ababa (48) at Lina de Guzman (48).

Ang huling dalawang rounds ay gaganapin ngayon at bukas sa tournament na suportado ng PSC, DHL-WWWExpress, Petron, Mizuno, Business Inn, Master Sports, DPC Pages, Hans Bruman Jeweller at Philippine Airlines.

Group A—Grechen Villacencio 47, Jane Park 45, Gabby Monfort 44.
Group B—Queenie Bautista 41, Nani Cruz 35, Leni Cabili at Joyce Duque 33.
Group C—Sonie Montelibano 35, Terry Solitaria 33, Lilian Diamond Macay 32.
Group D—Vicky Verdeflor 37, Cecile Mead 34, Tess Cornelius at Tina Javellana 25.