Sa presscon kahapon ng My Big Love ng Star Cinema ay ina­min nina Sam Milby at Toni Gonzaga na once upon a time ay nagkaroon sila ng MU (mutual understanding) na tumagal nang dalawa hanggang tatlong buwan.

Ayon kay Sam, pagkatapos ng PBB at bago nila ginawa ni Toni ang first movie nila together na You Are The One sila nagkaroon ng unawaan.

Sabi ni Toni, pareho silang busy sa career nila nu’ng mga panahong ‘yon kaya hindi nagtagal ang kanilang relasyon. Bukod sa matindi ang pressure sa kanilang dalawa ay naging masyadong busy si Sam at wala silang oras sa isa’t isa kaya hindi umubra ang pag-iibigan nila.

In fairness ay may ‘closure’ daw sa pagitan nila at nakakapag-usap silang dalawa kaya nanatili silang mabuting magkaibigan.

Sey ni Toni, nu’ng time na nagkakagustuhan sila ni Sam, feeling niya ay ito na ang ‘right person’ para sa kanya, kaya lang ay hindi ‘right time’ ang pagdating nito sa buhay niya.

Dagdag ni Sam, wala siyang regrets sa naun­syaming pagmamahalan nila dahil nakikita niya kung gaano kasaya nga­yon si Toni at kapwa sila masaya sa great friendship na meron sila.

***

Alam ng lahat na very happy ngayon si Toni sa director/boyfriend nitong si Paul Soriano at si Sam ay ang ka-loveteam niyang si Anne Curtis ang itinitibok ng puso, kaya si Anne ang inusisa namin kay Sam pagkatapos ng open forum.

Nabanggit ni Sam sa interbyu sa kanya ni Tito Boy Abunda sa The Buzz nu’ng Linggo na nagkaroon sila ng misunderstanding ni Anne at balak niyang kausapin ang dalaga para magkaayos sila. Nagkausap na ba sila?

“Yeah, we talked na nu’ng Linggo. Okey na okey na ang lahat. We defi­nitely got to talk na,” naka­ngiting sagot ni Sam, na sinisikap magsalita nang Tagalog.
Sila na ba ulit ni Anne?

“Hindi. We were never together. Nanliligaw. I’m courting her…”
So, hindi totoong na­ging mag-on sila noon ni Anne at nag-break lang sila?

“MU. We were definitely getting there, pero for us, we wanted to concentrate on God first, which was needed,” paliwanag ng Fil-Am heartthrob.
So, MU na ulit sila ngayon?

“Hindi, hindi. Just courting. I’m courting her!”
Kapag sinabing MU, may commitment na rin ‘yon, ‘di ba?

“Hindi, parang there’s no talking about it, pero you guys are parang together. But there’s no official na, ‘Oh, are were together?’ Parang ganyan,” eksplika ni Sam.
Masasabi niya bang ‘yung MU nila ni Anne ay mas malalim kumpara sa naging MU nila noon ni Toni?

“I wouldn’t say deeper in that sense, pero… I mean, it’s different. My relationship with the both of them was both different.

“Parang with my time with Toni, you know, we had MU na parang we really had feelings for each other. Same with Anne.”

Kung ‘yung kay Toni ay 2 to 3 months, gaano katagal naman ‘yung kay Anne? Mas matagal ba?

“No, no, no. 2 to 3 months also. Over a year later…”

***

Ngayon ay hayagan nang sinasabi ni Sam na mahal niya si Anne. Hindi katulad noon na tila nag-aalinlangan pa siyang aminin ang kanyang nararamdaman.
“Yeah,” nakangiting pagsang-ayon niya.

Sinabihan na ba niya ng ‘I love you’ si Anne?
“She knows, she knows…”
Ano namang sabi ni Anne? Nag-a-‘I love you’ rin ba ito sa kanya?
“Yeah,” kaswal na sagot ni Sam.

Eh, bakit hindi pa ma­ging sila? Bakit sabi niya ay nasa courting stage pa rin sila?
“Kasi, to court the right way. That’s what I’m trying to do. I’m actually reading a book on the right way to court. Yes, there is a book!

“It’s from a famous guy named Joshua Harris. He wrote a book called I Kissed Dating Goodbye and then, he also wrote a book called Boy Meets Girl, about courting. Not only courting, but courting the Godly way. It’s a good book!” bulalas ng binata.

Pero ‘exclusively da­ting’ sila ni Anne?
“Technically, it’s not spoken about, na exclusively. But because you have such strong feelings for that person, parang it’s there.

“Parang if she would be with another guy, of course I’d be very hurt. So, in a way, yes. Even though it’s not spoken about.”
Ang sinasabi niya, nililigawan niya si Anne ‘in a Godly way.’ Anong klaseng panliligaw ‘yon?

“You read the book! It’s a good book! Ha! Ha! Ha!”
Eh, obvious namang type din siya ni Anne, ‘di ba?
“Sana. I think we’ve come a along way, not only in our friendship talaga. I mean, with everything. We’ve really grown as people, we’ve really grown with God. So, parang it’s really working out…”

Gaano katagal na niyang nililigawan si Anne ‘in a Godly way’?
“A little over a month siguro,” sagot ni Sam.

So, nagka-MU na sila before, tapos nag-break sila. At ngayon ay sinusuyo niya ulit si Anne?
“Yes. We broke up before to concentrate on God. To concentrate on our relationship with God. To grow.”

Kung nag-break na sila noon, anong dahilan at gusto niya pang balikan si Anne ngayon?

“Because first off, a guy should prove if he’s really committed to the girl na. And also, in a courtship stage, in the book I’m reading, I’m not finished with it yet! Ha! Ha! Ha!”

So, galing sa libro lahat ng ginagawa niya, hindi sa puso niya?
“It’s from the heart, too! It’s exactly how I wanna treat her.”
Agree ba siya sa lahat ng nakasulat sa librong ‘yon?

“Hindi. I’m not sa­ying I agree, but it’s really helping me out na parang, I found out how to court a girl the right way.”

True love niya ba si Anne?
“I love Anne, but you know, it’s really up to God na kung sino ang totoong-totoong mahal ko. But yeah, I would admit na I do love her!”
Gaano niya kamahal si Anne?

“You can’t really equate exactly how much you love. But I think, when you admit that you love someone, I mean, you should… I don’t know! I don’t know how to explain! Ha! Ha! Ha!” sambit ni Sam, na tumawa na lang at hindi na tinapos ang sasabihin niya.