MARAMING buhay ang mababago sa pagbabalik ng Pasko na, Game KNB?, ang taunang Christmas special ng Pili­pinas, Game KNB? sa ABS-CBN.
Sa pangunguna ng host na si Edu Manzano, araw-araw ay Pasko hanggang sa Disyembre 27 (Sabado) dahil dadagsa ang mga artista at da­ting winners ng PGKNB upang maglaro sa P1M jackpot para tulungan ang 12 benepisaryo mula sa iba’t ibang sulok ng Pi­lipinas.
Abangan sina Mark Bautista, William Martinez, Will Devaughn at Enchong Dee kasama ng iba pang mga artista at dating winners na magtutunggali nga­yong linggo para sa tsansang makatulong sa mga Kapamilyang nanganga­ilangan.
Ang Pasko Na, Game KNB? ay paraan ng mga bumubuo sa programa na pasala­matan ang mga tagasuporta gayundin ang ipa­kita ang tunay na diwa ng Pasko -- isang panahon ng pagbibigayan at pagmamahalan.
***
Nanguna sa takilya ng North America last weekend (Disyembre 12-14) ang bagong bukas na sci-fi thriller ni Keanu Reeves na The Day The Earth Stood Still ($30.5M). Ang production budget nito ay $80M.
Pangalawa ang ho­liday comedy na Four Christmases ($13.1M), na naka-$87.8M sa tatlong weekend.
Pangatlo ang Twilight ($8M), na naka-$150M sa apat na weekend.
Pang-apat ang ani­mated movie na Bolt ($7.5M), na naka-$88.8M sa apat na weekend.
Panlima ang big-budget epic na Australia ($4.2M), na naka-$37.8M sa tatlpong weekend.