Kulungan ang kinasadlakan ng isang binatang walang pangiming humihitit ng marijuana sa lantad na lugar sa San Mateo, Rizal.

Ang suspek na naaresto habang humihithit pa ng nasabing damo ay nakilalang si Roland Laboriante, 18 na residente ng Broadway Ampid I, San Mateo, Rizal.

Lumalabas na namataan ng mga operatibang nagpapatrulya ang suspek sa kalsada kahapon ng hapon na kasuwal na humihitit ng marijuana, kung kaya agaran itong sinita at inaresto at kinumpiska ang hinihitit nitong marijuana.