Isang bangkay na lulutang-lutang sa lawa ng Laguna ang natagpuan ng dalawang mangingisda sa Pililla, Rizal.

Ang biktima ay isinalarawang nasa 32 hanggang 40 taong-gulang; may taas na 5’4" hanggang 5’6" ang taas, katamtamang pangangatawan at nakasuot ng gray short na may tato sa kanang balikat na "RD".

Sa ulat ni Pililla Police SPO4 Romeo del Mundo, ang bangkay ay nakita ng 2 nangingisda kamakalawa ng umaga na agad namang ipinagbigay alam sa mga awtoridad ang kanilang nakita.

Base sa unang pagsisiyasat, ang bangkay ay hindi umano kinakitaan ng foul play kung saan ay ipinalalagay na posibleng biktima ito ng pagkalunod na maaaring inabutan ito ng matinding alon sa lawa bunsod ng mga nagdaang bagyo.