|
FETUS, ULO NG
BABAE, BANGKAY Ex-police sinaksak Empleyado nadale Solons: Gloria delikado 3 dormitoryo sa u-belt 'John Lennon’ hinoldap
|
CRIME
STORIES
Empleyado nadale ng laglag-ballpen(Vladi Eduarte) Nawalan ng cellphone ang isang empleyado mata-pos mabiktima ng laglag-ballpen sa Makati City kagabi. Ayon kay PO3 Noli Jucal ng Makati Police Headquarters, walang ipinagkaiba sa laglag-barya ang modus operandi ng laglag-ballpen na lilituhin ng magkakasabwat na suspek ang biktima at kapag nalingat ay tsaka dudukutan. Ganito ang nangyari kay Marlon Catanoso Conejos, 35, habang naghihintay ng masasakyang jeep pauwi ng Bacoor, Cavite bandang alas-7:10 kagabi sa kahabaan ng Sen. Gil Puyat Avenue, Makati. Dalawang lalaki umano ang unang lumapit sa kanya, nagtatanong ng direksiyon patungo sa isang lugar sa Makati. Nalito si Conejos dahil parang hindi pa naririnig ang lugar na sinasabi ng mga kausap. Pero nagpupumilit pa rin umano ang dalawa, napakaraming nakakalitong tanong, hanggang maramdaman ni Conejos na may isa pang lalaking unti-unting dumikit sa kanya pero noong una ay hindi niya binigyang-pansin sa akalang nakikinig lang ito sa usapan. Maya-maya, nahulog umano ang ballpen na hawak ng isa sa mga kausap niyang nasa bandang kaliwa. Yumuko si Conejos para damputin ang ballpen at nang maibalik na nakahulog ay nagpaalam na ang mga ito at pati ang lalaking akala niya ay nakikinig sa usapan ay nawala na rin. Wala na ang mga suspek nang malaman ni Conejos na wala na ang Nokia celphone niya sa bulsa. Pati ang dala niyang back pack ay bukas na rin umano pero walang nawala.
|
Website comments and suggestions contact:
Copyright © 2005 Monica Publishing Corporation Best viewed in 1024 x 768 resolution. All rights reserved
|
|||
|
|
