Nahaharap ngayon sa demanda ang nagma­may-ari ng isang mala­king gusali sa Mandaluyong matapos matuklasan ang iligal na paggamit ng tubig. Sa isang imbestigasyong ginawa ng Manila Water, napag-alaman na ibinebenta umano ng may-ari ng gusali sa mga nangungupahan dito ang tubig na nakukuha sa pamamagitan ng iligal na koneksyon.

Ang gusali na matatagpuan sa Barangaka Drive, Barangay Mauway sa Man­daluyong City ay su­mailalim sa isang masu­sing pagmamatyag at imbestigasyon kung kaya’t nadiskubre na ang gusali pala ay iligal na naka­kabit sa linya ng Manila Water.

Paglabag sa Republic Act No. 8041 o ang National Water Crisis Act ang isasampang kaso laban sa naturang may-ari ng gusali na may pagkakulong hanggang 12 taon at kakukulang multa.

Mahigpit na ipinag­babawal ang pagnanakaw ng tubig lalung-lalo na ang pagbebenta ng tubig na kinuha sa iligal na pamamaraan. Bukod dito, ang mga koneksyon ng iligal ay nakapamiminsala sa suplay para sa mga lehitimong kostu­mer at maaari ring maging sanhi ng pagpasok ng dumi na siya namang puwedeng pagmulan ng kontaminasyon.