|
MOTORSIKLO SUMABOG: DRIVER NAGUTAY, BATA NADAMAY Gimik ng barkada, nauwi sa trahedya, 2 nalunod Mataderong senglot pumatay Sumuko sa hirap, lolo nagbigti Broker kinana ng motorsiklo gang Mag-amang supporter ng gobernatorial bet, pinatay
|
CRIME
STORIES
MOTORSIKLO SUMABOG: DRIVER NAGUTAY, BATA NADAMAY (Al Jacinto) ZAMBOANGA CITY --- Isa katao ang namatay matapos na sumabog ang sinasakyang motorsiklo nito sa lungsod ng Cotabato sa lalawigan ng Maguindanao kagabi. Sinabi ng pulisya na naganap ang pagsabog dakong alas-6.30 ng gabi ‘di kalayuan sa Happy Homes subdivision. Isang bata rin ang sugatan dahil sa tama ng shrapnel. Hinihinalang bomba ang dala ng motorsiklo ng ito’y biglang sumambulat. Halos nagkagutay-gutay naman ang katawan ng di-kilalang may-ari ng motorsiklo. "Hindi pa namin alam ang naganap, maliban lamang na isang motorsiklo ang biglang sumabog at patay ang may-ari nito. Hinihintay pa namin ang buong ulat ukol dito mula sa aming imbestigador na nasa labas pa," ani PO2 Jose Dimaano sa panayam ng Tonite. Agad naman naglagay ng mga roadblocks at checkpoints ang pulisya sa Cotabato kasunod ng pagsabog. Ayon sa mga nasa lugar ay wasak-wasak diumano ang bangkay ng driver at ng motorsiklo nito dahil sa lakas ng pagsabog. Maging ang mga kabahayan sa lugar ay nayanig rin. Malaki ang hinala ng pulisya na ang driver ng motorsiklo ay posibleng bomber at sumabog ang dala nitong bomba ng wala sa oras. Hindi naman mabatid kung sino ang target ng bomba o kung may koneksyon sa Abu Sayyaf at Jemaah Islamiya o sa Moro National Liberation Front ang nasawi. Patuloy kasi ang opensiba ng militar kontra sa tatlong grupo sa lalawigan ng Sulu na kung saan ay mahigit sa 20 sundalo at rebeldeng ang napatay mula pa nuong nakaraang linggo. |
Website comments and suggestions contact:
Copyright © 2005 Monica Publishing Corporation Best viewed in 1024 x 768 resolution. All rights reserved
|
|||||
|
|
