Mistulang napasama ang maagang pagpaparamdam ni Metro Manila Development Authority (MMDA) Chairman Bayani Fernando sa 2010 presidential election, dahil nag-umpisa nang sumikip ang mundo nito.

Kung dati ay si Parañaque Rep. Roilo Golez lamang ang bumabanat kay Fernando partikular sa mga nagkalat nitong tarpaulin, kahapon ay nakiupak na rin si Valenzuela Rep. Magtanggol Gunigundo.

Sinabi ni Gunigundo na nakasaad sa MMDA charter o Republic Act 7924, na ang trabaho ng nasabing tanggapan ay pagtiyak ng sapat at malinis na supply ng tubig, sewerage system, safety at kuryente.

“Pero hindi ginagampanan ng MMDA lahat iyan dahil kulang sa pondo at expertise,” ani Gunigundo kaya tanging ang pagpapaganda umano sa Metro Manila at trapiko lamang ang tinatrabaho ni Fernando.

“Kung traffic lang ang tinututukan, magtayo na lang ng Metro Manila Traffic Authority,” ani Gunigundo.