Ian at mga anak, nagba-bonding sa museums at art galleries

By

MALAKING tulong sa career ni Ian Veneracion ang pagiging magandang lalaki.

Sa edad na 42, isa siya sa top leading men sa showbizlandia.

Napagtanto niya na guapo siya nu’ng, “Bata pa ako, nanay ko lang ang nagsasabing pogi ako.

“Siyempre, hindi ako naniniwala. Hahaha! Siyempre, mga tita ko, mga teachers dati.

“At nangyari nga sa ngayon, ang market ko ay pan-tita na at mommy.”

Pagbibida ni Ian, “Maikwento ko lang, recently, may magandang babae na nag-request na magpa-selfie with me. Siyempre, natuwa ako, ang ganda talaga eh.

“Tapos, nu’ng kumukuha na siya, ang sabi, ‘Para sa lola ko.’ Wala na. Hahaha!

“Nakaka-flatter siyem­pre ‘pag may humahanga, I just don’t take it personally.”

Seasonal si Veneracion pagdating sa fitness at wellness.

Sabi niya, “Depende kung ano ang gusto ko, very seasonal akong tao. Minsan, I am so gung ho sa tennis, o kaya sa golf. “Ang laging biro sa akin ng mga friends, alam nila na may pera ako ‘pag ang gusto ko, tennis, paragliding o golf.

“‘Pag wala, basketball or soccer. Hahahahaha.”

Kahit pa he is into healthy eating choices at parang maganda ang porma of his katawang panromansa, tila naniniwala si Ian sa kasabihang ‘ang tunay na lalaki, walang abs.’

Paliwanag niya, “Naku, hindi ako pwede nu’ng daring-daring. Iba ang daring nu’n sa Seiko, eh. Hahahaha!

“Wala akong abs. At wala akong intensyon na magkaganu’n. I am a healthy, happy eater.

“At kung magpapaka-daring man ako, sa mga roles, like the one na ginawa ko sa Bliss, pero ‘yung showing of my fleshy parts… sa mga bata na lang. Hahahaha!”

***

Dahil matagal na si Ian sa showbiz, immune na siya sa mga intriga.

“Ang mga intriga, sanay na ako na part of the business siya, I don’t take it personally,” saad nito.

“Pareho ang formula or ginawa ko sa mga papuri at bashing. I don’t put them in my system.

“Sa mga papuri, I take it with a grain a salt. I like them, yes but I know where I stand, I always put my feet firmly on the ground kaya hindi lumaki ang ulo.

“Iyung mga ­bashing naman, since I rarely have the time to check on my social media at since medyo detached ako ­talaga sa negati­vity, choice ko na talaga na ‘wag mag-online.

“I only open my email to address letters or concerns na dapat, ‘yung the rest, I don’t mind.

“Mas walang stress ‘pag ganu’n. It works for me.”

May nagbago ba sa buhay niya ngayong sikat na sikat na siya? Mabilis na tugon ni Ian, “Wala naman. I have the same wife. I have the same car. I have the same house.

“Dumami lang ang pa-video greeting. Hahahaha!”

Patuloy niyang sagot, “I am still the same. Alam ko naman ang ­cycle sa showbiz. Minsan, ikaw at ‘yung mga ginagawa mo, pinapansin.

“Minsan, may mga shows or projects ka na hindi pinapansin and people don’t care about it. Ganu’n talaga ang buhay.

“It is part of my profession.”

***

Nasa ‘win cycle’ siya sa kasalukuyan at siyempre pa, win na win ang katotohanang his leading ladies are getting ­younger.

Reaksyon ni Ian, “Nakakatuwa na I still can be paired with the likes of Jodi Sta. Maria and Bea Alonzo.

“Nagulat na lang kami na tinatanggap ng mga tao ang tambalan namin. Siyempre, masaya.”

Sanay na ang ­kanyang beautiful wifey sa kanyang mga showbiz pairings, “Naku, she ­never gets jealous. Alam niyang trabaho lang ito lahat.

“My wife is a confident woman. She knows kung gaano siya kahala­ga sa buhay ko at ang mga anak namin…

“They are always the priority. She takes good care of me and my kids. We get a lot of tender, loving care from her.”

***

Draco, his eldest, ­Deidre, his only daughter, and Lucho, his youngest son, share the same passion with him.

Bet na bet nila ang ­visual arts.

“Bonding time namin ng mga anak ko na pumunta sa mga art galle­ries and museums.

“The last most important museum na pinun­tahan namin, was the Museum of Modern Art (MoMA) sa New York. Amazed na amazed sila sa contemporary art collections, lalo na ‘yung mga paintings ni Van Gogh.

“I hope soon, matupad ko ‘yung trip namin sa The Louvre. Dapat mapupuntahan ko na ‘yun dati, eh.

“Kaso, I chose to watch a tennis game kesa pumunta sa Louvre. Na-upset ang dad ko sa akin.

“He told me na I can watch the tennis match sa ESPN pero ang pagpunta sa Louvre, once in a lifetime experience.”

Miss ni Ian ang pagpinta kaya lang, “I don’t have the time. Remember my last painting exhibit na you attended, it took me 6 months to concentrate on it at ‘yun lang ang ginagawa ko.

“No tapings or shootings. Dapat siya lang ­talaga.”