Digong nasulsulan lang sa EU

By

Inamin ni Pangulong Rodrigo Duterte na hindi siya ang may ideya na tanggihan ang ayuda ng European Union (EU).

Sa kanyang talum­pati sa Davao City, sinabi ni Pangulong Duterte na inirekomenda lang ito sa kanya ni Finance Secretary Carlos Dominguez at pinatulan naman niya.

Nauna rito, ikinagulat ng marami ang na­ging abiso ng administrasyong Duterte na hindi na nila tatanggapin ang tinata­yang P13.8 bilyong ayuda mula sa EU.

Sinabi pa ni socioeconomic secretary Ernesto­ Pernia na hindi kinonsulta ng Pangulo ang kanyang “economic managers” sa naging desisyon nito na tanggihan ang ayuda ng EU.

Ngunit sa talumpati kagabi ni Duterte sa Davao City, sinabi nito na ang ideyang ito ay nangga­ling sa kaibigan niyang si Secretary Dominguez, isa sa economic manager ng Pangulo.