Amyenda sa Bank Secrecy Law


Isinusulong ngayon sa Mababang Kapulungan ng Kongreso ang pag-amyenda sa umiiral na Bank Secrecy Law.

Puntirya ng itinutulak na pagbabago sa Bank Secrecy Law ay ang mga tauhan at opisyal ng gobyerno.

Sa ilalim ng inihaing House Bill 31355 ni Magdalo Rep. Gary Alejano, ipinaalis na maging saklaw ng Bank Secrecy Law ang mga halal at itinalagang opisyal ng gobyerno.

Kabilang sa mga ito ay ang mga sundalo, pulis, mga opisyal at kawani ng iba’t ibang government owned and controlled corporations (GOCCs).

Ang rekomendasyon ay bunsod ng nangyayaring palitan ng bintang nina Pangulong Rodrigo Duterte at Sen. Antonio Trillanes IV kaugnay sa umano’y mga tagong bank deposits.

Nakikita ng solon na sa pamamagitan ng nasabing amyenda ay madali nang masisilip ang deposito ng mga nasa gobyerno lalo pa kapag may issue ng katiwalian.

Napapanahon na talaga ang pag-amyenda sa Bank Secrecy Law upang makatulong sa paglabas ng katotohanan sa mga usapin ng katiwalian.

Masyado nang nagaga­mit ang batas na ito kaya­ maraming opisyal ng gobyerno na nasasangkot­ sa katiwalian ang hindi napapanagot sa kanilang kalokohan.

Kaya sana ay mabigyang prayoridad ang pag-amyenda sa batas na ito upang hindi magamit ng mga government officials ang batas na ito para ikubli ang kanilang mga tagong yaman o pagkakaroon ng kwestiyonableng mga ari-arian.

Magandang hakbangin din ito upang sa gayon ay malinis agad ang mga opisyal at tauhan ng gobyerno na basta na lamang ina­akusahan nang walang sapat na pruweba.


  • Mauuna pang tumubo buhok mo Alejano bago lumusot yan panukalang batas mo hahaha

  • Yan ang tama! Malamang kanya kanya ng tagoan ng yaman ang mga pulitiko sa ibang bansa. Ganon p rn pala? Ang nakaw sa gobyerno ipuslit at itago sa ibang bansa.

  • Cge nga pursue m yn ASO NI TRILLING…

  • hindi ito magiging batas! haha.. alam na this! 🤣

  • Pag makalusot iyan! Ang unang tatamaan dyan! Iyong politikong takot magsign ng kanyang bank waiver,at matatakot na sila magnakaw sa kaban ng ating bayan.

  • Sana ganun din sa mag men in uniform from Colonel to General

  • Dyan mag kakaalaman kung aaprubahan yan ng mga TONGRESSMEN. Siguradong di makakalusot yan.

  • Ito….ang gusto ku…
    Saan magtago ng pera ang mga kawatan

  • #FireMocha #ResignAguirre #SignwaiverDuterte