Abu Sayyaf huwag hayaang sumuko

By

Dahil sa inihatid na ligalig ng bandidong grupong Abu Sayyaf sa bansa kung saan pinakahuli ang paglusob at pakikipagsagupa sa tropa ng gobyerno sa Bohol ay hayagang sinabi ni Pangulong Rodrigo Duterte na huwag nang hayaang mabuhay ang mga ito.

“And I told the Navy if you see them (ASG), the boat, blast them off,” bahagi ng talumpati ni Pangulong Duterte sa grand lauch ng Cine Lokal sa SM Mall of Asia sa Pasay City kamakalawa ng gabi.

Nagbigay rin ng direktiba si Pangulong Duterte sa tropa ng gobyernong mapapaengkwentro sa ­rebeldeng grupo na huwag pasukuin ang mga ito.

“If there’s a fight and they surrender, you refuse, you decline the offer of surrender.

Let’s continue fighting eventually they will run out of bullets. I have plenty of soldiers to spare. I have a stock of… I have ­acquired. Meron na tayo,” pagbibida pa ng Pangulo.

Binigyang-diin ng Pangulo na hindi na dapat pang mahuli at ikulong ang mga Abu Sayyaf.

“Do not give me prisoners. I don’t need them,” ­giit pa ng Pangulo.

Naniniwala ang Pangulo na kaya sumalakay sa Bohol ang Abu Sayyaf ay dahil sa planong pagdukot.